[转帖]刘丹明星教父

看到若水发表的刘丹唱射雕主题曲的视频,不禁想让大家多了解了解刘丹.
年屆 62 歲的劉丹，跟 26 年前《上海灘》中的「馮敬堯」樣子幾乎沒有變，當年已留二撇雞飾演趙雅芝父親的劉丹，其實只是三十出頭，不過比起初出茅廬的周潤發和呂良偉，他已經是資深前輩，呂良偉更稱他為師傅。
劉丹在電視圈打滾 30 年，除了周潤發和呂良偉外，經常演中生的他還跟無數男女主角合作，見證過不少巨星的成長，在他眼中每人都各有所長，各有成功背後的故事，且看他細數這 30 載所見所聞。

25 歲小生

小學時期我開始參加青年會劇社，一直都鍾意表演，讀完工專（理工大學前身）之後，做過地盤同埋行船， 24 歲先走去考國泰電影第二期訓練班，當時我瞞住屋企人，簽咗先話俾老竇知。之後再轉到邵氏，呢張相係嗰陣時影，嗰時我仲係小生。

15 歲波牛

我原名叫劉慶基， 4 歲全家山東到香港，當時屋企好窮住調景嶺木屋區。呢張相係 15 歲喺鄧鏡波中學讀書時影，我係學校足球隊同埋游泳隊成員，為咗保護自己，我成日同同學打交，可能我夠狼，所以未輸過！

學人留鬚

78 年，周梁淑怡搵我由佳視過檔無線，呢張相係過檔後影專訪，有相士話我留鬚先好，後來我為咗套台灣電影剃咗，之後返去拍《強人》黐住假鬚頂住先，點知拍戲時整親腰骨，個半月醫院，之後我再冇剃過啲鬚。

發仔阿呂唔簡單

79 年拍《上海灘》，發仔同阿呂仲係新人，但係佢哋都好勤力同認真。記得時我問發仔，點解乜鬼角色都去演？佢話一來爭取出鏡機會，二來可以搵多個錢。阿呂時仲成日叫我做師傅！佢好有自己諗法，所以我同佢研究多過教佢。當年我覺得呢兩個後生仔唔簡單，佢哋有今日成就係應得。

難忘黃蓉

82 年我同翁美玲合作《射鵰英雄傳》，我做「洪七公」佢做「黃蓉」。有次拍打戲，佢（翁美玲）俾個武師整傷咗眼角，啲血係咁流，個武師梗係驚啦！點知阿翁安慰番佢話：「冇事喎！我本來諗住去整雙眼皮，依家慳番一半啦！」可想而知佢個人幾好，拍完套劇，佢私底下叫我做「七公」，仲成日約食飯，所以朝聽到佢自殺，我仲鬧老婆講笑。

DoDo 另類氣質

喺劇集《親情》面我做雪梨（左）老竇，佢個樣雖然好成熟，但當年佢只得 16 歲。而我同 DoDo （右）佳視已經做過同事，一直覺得佢唔係好靚，但氣質好另類，佢做戲真係好好，又醒目，反應又快。

一次主角

呢套《邪完再邪》我唔係做主角，但係好多演員大家都唔識，所以用咗我個樣做封套！我邵氏年代只係做過一套主角，就係古裝片《風雷魔鏡》，但係上畫嘅時候打咗幾日風，結果慘淡收場。

與五虎合作無間

85 年無線拍《楊家將》，搵咗最紅嘅五虎擔正，當年我做金人「呼延贊」。嗰時五虎咁紅，日日都有工開，為咗爭取休息時間，拍《天師執位》時，苗僑偉索性同我、翁美玲一齊唔返屋企，張榻榻米外景場地，等第二朝一早開工。

神童偉仔

偉仔除靚仔之外，記性仲好好，背台詞好快手，最難得係唔使瞓。有次開工開到凌晨兩點，佢仲拉我去篤波，結果打到 5 點先走，佢第二朝 7 點開工仲好精神，又冇記錯台詞，所以佢真係神童。

劉天王撐腰

00 年參加立法會選舉，搵咗班老友造勢宣傳，我打俾劉德華，佢一口答應，其實當年同華仔拍劇真係好開心，佢真係好勤力，明明唔夠，但係有空檔就練功夫，佢話費事到眼腫喎！

司棋好寸

李司棋係我讀國泰電影訓練班時嘅同學，佢嗰時好寸唔睬人，讀咗三個月走咗去參加「香港公主」。之後我哋喺無線再合作《強人》，嗰陣時我係做佢 uncle ，估唔到 95 年會同佢喺《真情》做「叉燒炳」同埋「阿善」兩公婆。

一見鍾情

我最初喺朋友銀包內見到老婆張相，已經一見鍾情，之後朋友介紹我哋識，拍咗 3 年拖 73 年結婚。 74 年愷威（右一）出世，之後就到囡囡（左一），後來搞移民，唔可以見住啲仔女成長。不過，我估唔到愷威想做呢行，我都係過來人，能夠令興趣成為職業，好難得，睇見愷威做《甜孫爺爺》做得幾好，我可以放心。

睇好鄭嘉穎

喺《飛短留長父子兵》度，我第一次同鄭嘉穎合作，啱啱拍完《通天幹探》，我哋再做兩父子，佢比較斯文同有內涵，呢種氣質依家好少見。我哋都鍾意打網球，所以好夾，仲會成日約出嚟打波，不過我最憎同佢食飯，因為每次都要爭俾錢，仲次次都係我輸。

撰文：杜淑霞
攝影：陳志輝
部分相片提供：劉丹

LCFDu3h3.bmp (1.17 MB)

[转帖]刘丹明星教父

[glow=480,purple,1]高度决定视野角度改变观念尺度把握人生[/glow]