甄妮尽地一煲玩寸爆 - 东方日报 2010年05月11日(二)
殿堂级歌手甄妮在前晚母亲节完成最后个唱，她寸爆乐坛新人冇礼貌，尽骚Quali的她骄傲地说：「我要喺最叻时候收工，冇人可以超越我。」
[Post=1]一连四场「甄妮爱SHOW FAREWELL WORLD TOUR」前晚圆满结束，甄妮以超班唱功尽骚Quali，又请到林子祥（阿Lam）和林晓峰做嘉宾，阿Lam和甄妮合唱《世间始终你好》掀高潮，他还扮作眼甘甘望着穿低胸战衣的甄妮，笑说：「想睇吓你系咪真系咁性感。」甄妮即不断地胸压他，逼到阿Lam节节后退，还取笑说：「你想返去畀老婆打Pat Pat呀？」 [/Post]
向仙姐朝唱
歌艺数一数二的甄妮更寸尽乐坛后浪：「依家歌手好幸福，我真系非常佩服，自己以前朝早八点就起身练歌，依家个个出唱片，都可以系最佳男女歌手，我哋以前对住前辈离远五十步都鞠躬，但依家啲歌手见到我当唔识掂行掂过。」难怪前晚甄妮见到白雪仙捧场，即激动大叫：「仙姐。」还半踎半跪在仙姐面前唱歌，即场示范尊师重道一面。
见好就收工
之后甄妮还愈讲愈激：「我从来冇埋堆，我适应唔到，个女出世时我许咗一个愿，佢毕业时候就系我毕业，我唔想再做呀！」她边哭边说：「我系唔舍得，但天下无不散之筵席，我要喺最叻时候收工，要你哋永远记住我，冇人可以超越我。」临完场时，Melody上台献花，两母女相拥而哭，场面感人。
之后甄妮在庆功宴上表示：「我系落足好多力，提足精神唱歌，依家歌手最基本要学，得奖、攞第一名唔够，要人哋话你好至得。」不过甄妮转头又补镬说：「我开玩笑，唔好见怪，我点会系全世界最好，畀我吹吓水啦。」
文：音乐组
[此贴子已经被作者于2010-5-12 1:20:50编辑过] | 
发表于 2010-5-7 11:34
| 
